ნიკოლოზ უგულავა, რომელიც სამხედრო ნაწილში გარდაცვლილი იპოვეს ქუთაისში ჩამოასვენეს

სამხედრო ნაწილში გარდაცვლილი 20 წლის ნიკოლოზ უგულავა ქუთაისში ჩამოასვენეს.

ნიკოლოზ უგულავა სამხედრო ნაწილში ათმეთაურმა საგუშაგოზე გარდაცვლილი იპოვა. მას ჭრილობა თავის არეში ჰქონდა მიყენებული.
სამინისტროს განმარტებით, გამოძიებას საქართველოს შეიარაღებული ძალების სამხედრო პოლიციის დეპარტამენტის საგამოძიებო სამმართველო, მთავარი პროკურატურის ზედამხედველობით, აწარმოებს.
გარდაცვლილის მამის თქმით, ისინი დამატებით ინფორმაციას არ ფლობენე და გამოძიების პასუხებს დაელოდებიან.
"სამეხდროებმა ჩამოასვენეს . უყურადღებოდ არავის დავუტოვებივართ. არაფერი არ ვიცი რა მოხდა და როგორ მოხდა. გამოძიებას დაველოდებით,"- აცხადებს ჟორე უგულავა.
შეგახსენებთ, რომ 1994 წელს დაბადებული ნიკოლოზ უგულავა საქართველოს შეიარაღებულ ძალებში 2014 წლის 4 ოქტომბრიდან ირიცხებოდა.