ცნობილია მომღერლების ვინაობა, რომლებიც ახალი წლის ღამეს ქუთაისში იმღერებენ

ქუთაისში ახალ წელს ჩანიშნული ღონისძიებისათვის კულტურის სამინისტრომ და ქუთაისის მერიამ მზადება უკვე დაიწყო.
31 დეკემბერს ქუთაისის ცენტრალურ მოედანზე დამონტაჟებულ სცენაზე, ქართველი მომღერლების მონაწილეობით, კონცერტი გაიმართება.
კონცერტში მონაწილეობას მიიღებენ ნუკრი კაპანაძე, მარიამ კახელიშვილი, მიშა სულუხია, პანჩო, კახა კუხიანიძე, ლადო ჯანელიძე, თორნიკე ყიფიანი და ჯგუფი სეიშენი.
კონცერტი 21:00 საათზე დაიწყება და 3 საათს გაგრძელდება.