Войти на сайт
Логин:
პაროლი:
რეგისტრაცია  :  დაგავიწყდა პაროლი?  :  დახურვა
Рекомендуем так же посмотреть фильмы и не забудьте о шаблоны dle на нашем ресурсе скачать аниме у нас на портале
ჩვენს შესახებ მოგვწერეთ კონტაქტი

რჩევა ქუთაისის მერიის საკონკურსო კომისიას და პასუხის პასუხი კომისიის თავმჯდომარეს

თარიღი : 17-12-2014, 19:56 | კატეგორია: პოლიტიკა   
topnews.com.ge
ქუთაისის მერიის საკონკურსო-საატესტაციო კომისიის საქმიანობა კვლავ საზოგადოების ყურადღების ცენტრშია.
კომისიის მუშაობისათვის არასამთავრობო ორგანიზაცია „ევროპა ჩვენი სახლია“-ს მიერ უნდობლობის გამოცხადება არასერიოზული კაცის მორიგ არასერიოზულ განცხადებად შეაფასა კომისიის თავმჯდომარემ დავით დვალმა და იქვე აღნიშნა, რომ განცხადებას მხოლოდ საზოგადოების ინფორმირების მიზნით უპასუხა. დვალის აღნიშნულ განცხადებას კვლავ განცხადებით უპასუხა ორგანიზაციის თავმჯდომარემ გია გოქაძემ.
„თუკი კონკურსანტის პროფესიულ დონეს ტესტირება ამოწმებს, მაშინ რა როლი აქვს გასაუბრებას, რომელიც პარტიული ნიშნით დაკომპლექტებული კომისია ახორციელებს? რატომ არის თეორიულად შესაძლებელი ტესტირებაზე უმაღლესი შეფასების მიმღებ კონკურსანტს გასაუბრებაზე მინიმალური კომპეტენციის ზღვარს სიმწრით გადალახულმა კონკურსანტმა "აჯობოს"? რატომ მოხდა მერიის მხრიდან საჯარო სამსახურში (გადასახადის გადამხდელის მიერ დასაქირავებელი) საჯარო მოხელის თანამდებობაზე ასარჩევი კონკურსანტის ტესტირების შედეგების გასაიდუმლოება და კანონის რომელი მუხლი ითხოვს ამას? რა პროფესიული ნიშნით არიან კომისიის წევრები შერჩეული და დამთხვევაა თუ არა ის, რომ "ქართული ოცნების" ქომაგთა და აქტიურ წევრთა გარდა კომისიის შემადგენლობაში არავინაა?
ბატონი დვალის შემუშვებული ტაქტიკა დახვეწას არ ექვემდებარება. პრობლემის პერსონალიზაცია და კონკრეტული არასამთავრობოს ორგანიზაციის დისკრედიტაციის მცდელობა მოკლევადიანი გათვლაა და საზოგადოების ინტერესთან შეუთავსებელი. საზოგადოების კითხვებზე პასუხის გაცემა მათივე დაქირავებულ დვალს, მურღულიას და სხვა ჩინოვნიკებს აუცილებლად მოუწევთ, მანამდე კი გირჩევდით, რომ ენერგია, რომელსაც გია გოქაძის და "ევროპა ჩვენი სახლია"–ს არასერიოზულობაში საზოგადოების დასარწმუნებლად ხარჯავთ, პარლამენტის ქუთაისში დასატოვებლად დაგეხარჯათ, რაც თითოეული ქუთაისელის უკეთესი მომავლის გარანტია იქნებოდა,“ - ნათქვამია ორგანიზაციის განცხადებაში, რომელიც Topnews.com.ge-ს მიაწოდეს.
ცნობისთვის, გოქაძე, რომელიც მიმდინარე კონკურსის შედეგებს უნდობლობას უცხადებს, ამბობს, რომ მერიასა და საკრებულოში ადგილები წინასწარ არის დაჯავშნული. ხოლო მიმდინარე კონკურსში ძალოვნებიც მონაწილეობენ.
კონკურსის მიმართ უნდობლობის საფუძველს გოქაძე იმაშიც ხედავს, რომ მისი თქმით, გასაუბრებას, კონკურსის მესამე ეტაპს, არც ერთი ცნობილი არასამთავრობო ორგანიზაცია არ აკვირდება.
გია გოქაძის თქმით, მერიის საკონკურსო-საატესტაციო კომისიამ მას კონკურსისა და ატესტაციის შედეგები არ მიაწოდა. გოქაძე ამბობს, რომ კონკურსის დასრულების შემდეგ, მერიას მაღალი ქულების მქონე, თუმცა სამსახურს მიღმა აღმოჩენილი კონკურსანტებისათვის პასუხების გაცემა მოუწევს.


ნანახია: 1744-ჯერ

მსგავსი სიახლეები
გია გოქაძის თქმით, მერიის საკონკურსო-საატესტაციო კომისიამ მას კონკურსისა და ატესტაციის შედეგები არ მიაწოდა.
საკონკურსო კომისიის თავმჯდომარე ბრალდებებს პასუხობს.
დვალი არასერიოზულს უწოდებს გოქაძის მოთხოვნას და აცხადებს, რომ კომისიას ბევრი სამუშაო აქვს, რის გამოც არასერიოზულ მოთხოვნებს ვერ
ორგანიზაციის თავმჯდომარის გია გოქაძის თქმით, შოთა მურღულია ერთ კონკრეტულ პოლიტიკურ პარტიას წარმოადგენს, ამიტომ მან კომისია უნდა
ქუთაისის მერიაში გამოცხადებული კონკურსის ბოლო ეტაპზე-გასაუბრებაზე დასწრებისა და დაკვირვების მიზნით, მერიის
არასამთავრობო სექტორის წარმომადგენელთა თქმით, მუდმივმოქმედი საკონკურსო კომისია პარტიული ნიშნით არის დაკომპლექტებული და ისინი

ამინდი