ქუთაისის მერიის უშედეგო სპეცოპერაცია გარემოვაჭრეების წინააღმდეგ

ქუთაისის მერია ქალაქში გარევაჭრობის პრობლემის მოგვარებას გარემოვაჭრეების ბაზრებში შეყვანით შეეცდება.
ქალაქის მერიის არქიტექტურისა და ზედამხედველობის სამსახურის უფროსი ბაქარ ჭეიშვილი ამბობს, რომ ქალაქში გარევაჭრობის აღკვეთის კუთხით პოლიციასთან თანამშრომლობენ, თუმცა არაერთგზის გაფრთხილების მიუხედავად, გარემოვაჭრეები საქმიანობას მაინც აგრძელებენ.
„საახალწლოდ მერია დაარეგულირებს აღნიშნულ საკითხს იმ კუთხით, რომ ტროტუარები და გზის სავალი ნაწილები გადატვირთული არ იყოს. ერთი თვის წინ ჩავატარეთ დიდი სპეცოპერაცია პოლიციასთან ერთად, რომ გარემოვაჭრეები გარეთ არ გამოსულიყვნენ. უნდა მოვახერხოთ ისე, რომ ეს ხალხი ბაზრობებში შევიყვანოთ,“ - ამბობს ბაქარ ჭეიშვილი.
შეგახსენებთ, რომ ქუთაისში გარემოვაჭრეები ხელისუფლებისგან დახმარებას ითხოვენ.