თემურ ცამციშვილი: არსებობს ფასეულობები, რაც პოლიტიკაზე, სკამზე, დირექტორობაზე მაღლა დგას

ქუთაისის საკალათბურთო გუნდის ხელმძღვანელი დავით უსტიაშვილი გუნდის ხელმძღვანელობიდან გაათავისუფლეს. ამის შესახებ ქალაქის მერიის კულტურისა და ახალგაზრდობის საქმეთა სამსახურის უფროსი თემურ ცამციშვილი facebook-ის საკუთარ გვერდზე წერს.
ცამციშვილის თქმით, უსტიაშვილი 3 წელი ხელმძღვანელობდა ქუთაისის საკალათბურთო გუნდს და ამ ხნის განმავლობაში ბევრი წარმატება მოუტანა.
"დავით უსტიაშვილი პირდად ჩემი მოლაპარაკებების საფუძველზე ჩამოვიდა აქ. რა მნიშვნელობა აქვს ვინ მართავს ზემოთ? მთავარი უნდა იყოს ვინ აკეთებს საქმეს ქვემოთ! დავით უსტიაშვილი ქუთაისის კალათბურთისთვის მონაპოვარი იყო, მისი გაშვება კიდევ ძალიან დიდი შეცდომა! არსებობს რაღაც ფასეულობები, რაც პოლიტიკაზე, სკამზე, დირექტორობაზე, ნაცნობობაზე და ხელის მოთბობაზე მაღლა დგას! მადლობა მინდა გადაუხადო მას,რომ სამი წლის განმავლობაში გვასწავლა რა იყო წარმატება და გამარჯვება! გაგვაერთიანა ყველა, გუნდის გარშემო, ჩამოგვაყალიბა გულშემატკივრებად! როცა ვცვლით იქნებ დავფიქრდეთ, რას ვეხებით! ყველა პრობლემა პროფესიონალიზმის მეგობრობაში და ნაცნობობაში არევით იწყება!," - წერს ცაცმიშვილი.