შსს-ს მოწოდება ძალადობის წინააღმდეგ და ქუთაისელი სტუდენტების მხარდაჭერა

ოჯახში ძალადობის წინააღმდეგ შინაგან საქმეთა სამინისტროს მიერ დაწყებულმა სოციალურმა კამპანიამ ქუთაისში გადმოინაცვლა.
ადამიანის უფლებათა დაცვის საერთაშორისო დღესთან დაკავშირებით აქციას ქუთაისის აკაკი წერეთლის სახელმწიფო უნივერსიტეტის სტუდენტები შეურთდნენ. „არა ძალადობას“ წარწერებიანი მაისურებით აქციის მონაწილეებმა საზოგადოებას სოციალური კამპანიისათვის შეერთებისაკენ მოუწოდეს.
ქუჩის აქციის ფარგლებში სტუდენტებმა „არა ძალადობას“ ლოგოთი სამაჯურები და ბუშტებიც დაარიგეს.