ქუთაისის მერი: სამწუხაროა, რომ ქუთაისის 'ტორპედო' 16 გუნდს შორის მეცამეტე ადგილზეა

ქუთაისის საფეხბურთო კლუბ „ტორპედოს“ ქალაქის მერია დააფინანსებს.
როგორც topnews.com.ge-ს ქალაქის მერმა განუცხადა, „ტორპედო“ ადგილობრივი თვითმმართველობის ბალანსზე რამდენიმე დღის წინ გადავიდა.
რაც შეეხება გუნდიდან მთავარი მწვრთნელის რევაზ ძოძუაშვილის წასვლას, მერი განმარტავს, რომ მწვრთნელსა და ფეხბურთელებს ხელშეკრულებები 7 დეკემბრის ჩათვლით ჰქონდათ გაფორმებული.
შოთა მურღულიას თქმით, ადგილობრივი ხელისუფლება შეარჩევს ქუთაისის საფეხბურთო კლუბის მწვრთნელებსა და პერსონალს.
"თანხების მობილიზება პირველ ეტაპზე იმ ჯარიმიდან მოხდება, რომელიც „ვისოლმა“ „ტორპედო“-ს დატოვების შემდეგ გადაიხადა. ქუთაისში ძალიან უყვართ ფეხბურთი, თუმცა სამწუხაროა, რომ ქუთაისის „ტორპედო“ 16 გუნდს შორის მეცამეტე ადგილზეა,“ - ამბობს ქუთაისის მერი.