ქუთაისის მერის პოლონეთში მივლინებაზე 308 ლარი დაიხარჯა

ქუთაისის მერიის პრესსამსახური ქალაქის მერის შოთა მურღულიას პოლონეთში ვიზიტის შესახებ ინფორმაციას ავრცელებს.
ინფორმაციის მიხედვით, მერი პოლონეთის რესპუბლიკაში ხუთი დღით იმყოფებოდა. აღნიშნული პერიოდის განმავლობაში შოთა მურღულია პოლონეთის ქალაქ ვარშავაში პოლონეთის პარლამენტის ზედა პალატის ინფრასტრუქტურის განვითარების სამინისტროს, პოლონეთის საწარმოთა განვითარების სააგენტოს და მეწარმეთა ცენტრის წარმომადგენლებს შეხვდა.
„ ვიზიტის ფარგლებში ასევე, მოხდა პოლონეთის მუნიციპალიტეტების დათვალიერება და რეგიონალური განვითარების სააგენტოების ფუნქციონირებასთან დაკავშირებული საკითხების განხილვა.
შოთა მურღულია პოლონეთის რესპუბლიკაში 30 ნოემბრიდან 4 დეკემბრის ჩათვლით იმყოფებოდა. მერის 5-დღიანი ვიზიტი 308 ლარი დაჯდა,“ - ნათქვამია პრესსამსახურის განცხადებაში.