ქუთაისის მერიამ შშმ პირების 10 000 ლარის აეროგრილი შეუძინა

ქუთაისის მერიამ შეზღუდული შესაძლებლობის მქონე პირებს საჩუქრები გადასცა.
100-მდე შშმ პირმა ადგილობრივი ხელისუფლებისგან საჩუქრის სახით აეროგრილი მიიღო.
ქალაქის მერის შოთა მურღულიას განცხადებით, შშმ პირებს საჩუქრები მათი სურვილის მიხედვით შეუძინეს. საჩუქრებისათვის კი ადგილობრივი ბიუჯეტიდან 10 000 ლარი დაიხარჯა.
მერი შშმ პირებისათვის ქალაქში ადაპტირებული გარემოს შექმნასაც შეეხო და განაცხადა, რომ ქუჩების რეაბილიტაციისას პროექტში ჩაიდება, რომ კონკრეტულ ქუჩაზე შშმ პირების გადაადგილებისათვის პირობები შეიქმნას.