სამტრედიის რაიონში ათეულობით ოჯახი სასმელი წყლით მოიწამლა

სამტრედიის რაიონში მოსახლეობა სავარუდოდ სასმელი წყლით მოიწამლა.
ტოლების თემში 40-მდე ადგილობრივის ინტოქსიკაციის შემთხვევა დღეს გამოვლინდა.
სასმელი წყლით მოწამლულთა ნაწილი რაიონის საავადმყოფოშია გადაყვანილი.
"აღენიშენებოდა მაღალი ტემპერატურა და თავის ტკივილი, დავუძახეთ სასწრაფოს და საავადმყოფოში გადმოვიყვანეთ. სასმელ წყალს ვაბრალებთ ამ ყველაფერს. წვიმიან დღეებში წყალი იმდენად დაბინძურებული იყო, რომ ბოთლში რომ ჩავასხამდით ნახევარზე სილა ილექებოდა,"- აცხადებს ნათელა დოლიძე.
სიტუაციის ადგილზე გასარკვევად, სოფელში ადგილობრივი ხელისუფლებისა და სამტრედიის მუნიციპალიტეტის საზოგადოებრივი ჯანდაცვის სპეციალისტები ჩავიდნენ. ისინი მოსახლეობის ინტოქსიკაციის მიზეზებს სწავლობენ.