ქუთაისის მერიამ აღმაშენებლის გამზირზე პალმების შეფუთვა შეწყვიტა

ქუთაისის მერია ქალაქში, აღმაშენებლის გამზირზე არსებული პალმების ხეივნის შესაფუთად ამინდის გაუმჯობესებას ელოდება.
ქალაქის მერიის კეთილმოწყობისა და ინფრასტრუქტურის განვითარების სამსსახურში აცხადებენ, პალმების შეფუთვა დაიწყეს, თუმცა ამინდის გაუარესების შემდეგ, შეწყვიტეს.
"პალმების შეფუთვა ნოემბრის ბოლოდან იწყება. პროცესი სამი დღეა დაწყებულია, მაგრამ წვიმის გამო გაჩერდა. დასველებული პალმა არ იფუთება, რადგან მოყინავს და დალპება. ამინდა გამოვა და შეფუთვაც გაგრძელდება," - ამბობს სამსახურის უფროსი მალხაზ ბასილაძე.