არასამთავრობოები პარლამენტში 'ეს შენ გეხებას' მაისურებით მივიდნენ

არასამთავრობო სექტორის წარმომადგენლები, პროტესტის ნიშნად, პარლამენტში ეკა ბესელიას გამოსვლის დროს "ეს შენ გეხებას" მაისურებით გამოცხადდნენ.
არასამთავრობოების წარმომადგენლები ეკა ბესელიას მიერ წარმოდგენილ კანონპროექტს აპროტესტებენ. როგორც ისინი აცხადებენ, მხარს არ უჭერენ ფარულ მოსმენებთან დაკავშირებით ადამიანის უფლებათა დაცვის კომიტეტის თავმჯდომარის მიერ მომზადებულ კანონპროექტს, რადგან ე.წ. გასაღები ისევ შს სამინისტროს დაქვემდებარებაში რჩება.
არასამთავრობოების წარმომადგენლები პრეზიდენტს სთხოვენ, კანონპროექტის მიღების შემთხვევაში, მას ვეტო დაადოს.