რკინიგზის თანამშრომლები იმერეთშიც გაიფიცნენ

რკინიგზის თანამშრომლები იმერეთშიც გაიფიცნენ.
როგორც გაფიცულები აცხადებენ, ისინი მეცამეტე ხელფასს, ზეგანაკვეთური საათების ანაზღაურებას და ხელფასების სტაჟის და დამსახურების მიხედვით გაცემას მოითხოვენ.

„თუ ჩვენი მოთხოვნები არ შესრულდება შიმშილობას დავიწყებთ, ისედაც ვშიმშლილობთ ჩვენი ხელფასებიდან გამომდინარე. ჩვენ რკინიგზის ხელმძღვანელობა დაგვპირდა, რომ პირობები გაუმჯობესდებოდა, თუმცა ეს ასე არ მოხდა“,- აცხადებენ გაფიცულები.

შეგახსენებთ, რომ რკინიგზის თანამშრომლები დღეს საქართველოს მასშტაბით გაიფიცნენ.