საქართველოში პენსია 10 ლარით იზრდება

მომავალი წლის პირველი სექტემბრიდან საქართველოში პენსია 10 ლარით გაიზრდება. ამის შესახებ ჟურნალისტებს უმრავლესობის წევრმა ზურაბ ტყემალაძემ განუცხადა.
ტყემალაძის თქმით, პენსიის ზრდა ყველა პენსიონერს შეეხება.
ქვეყნის ხელისუფლება პენსიის კვლავ გაზრდას 2016 წლის დასაწყისშიც გეგმავს.
„პრიორიტეტი, რომელიც პენსიების ზრდას ეხებოდა, გათვალისწინებულია. მომავალი წლის პირველი სექტემბრიდან ყველა პენსიონერს პენსია 10 ლარით გაეზრდება. მომდევნო წლის დასაწყისში კვლავ გაიზრდება პენსიები,“ - ამბობს ზურაბ ტყემალაძე.