"ქალაქის მერს მოვუწოდებ ხმა ამოიღოს"

„თავისუფალი საქართველო“ ქუთაისის მერიას საბინაო ფონდის შექმნისა და მოქალაქეთა პრობლემებზე რეაგირებისაკენ მოუწოდებს.
პარტიის იმერეთის ორგანიზაციამ სტიქიითა და იპოთეკური სესხებით დაზარალებულ მოქალაქეებთან ერთად, ქალაქის მერიის შენობის წინ გამაფრთხილებელი აქცია გამართეს.
„ხელისუფლებისგან ვითხოვთ, რომ ადგილობრივ ბიუჯეტში, რომელიც რიონს არის გატანებული, საბინაო ფონდისათვის გაითვალისწინონ თანხები. მოვითხოვთ ასევე, რომ ყოველი გამოსახლების დროს მერიის თანამშრომლები მივიდნენ გამოსახლების ადგილას და დაიცვან მოქალაქეთა უფლებები,“ - ამბობს „თავისუფალი საქართველოს“ იმერეთის ორგანიზაციის ხელმძღვანელი გოგი წულაია.
„ქალაქის მერიას და მერს მოვუწოდებ, ხმა ამოიღონ და ჩაერთონ ამ პრობლემაში. რადგან ძალიან განყენებით დგანან და ასე არ შეიძლება,“ - ამბობს იპოთეკური სესხით დაზარალებული დარეჯან სულაქველიძე.
ქუთაისის მერიაში აცხადებენ, რომ ბრალდებებთან დაკავშირებით კომენტარს არ აკეთებენ.