„ბევრი ადამიანის ჩანაცვლება განხორციელდება მერიაში“

ქუთაისის მერის შოთა მურღულიას თქმით, ქალაქის ადგილობრივ თვითმმართველობაში მხოლოდ პროფესიონალები დასაქმდება.
მურღულიას თქმით, მეორე ეტაპზე გადასული 881 კონკურსანტი ტესტირებას და გასაუბრებას თანაბარ პირობებში გაივლის და საკონკურსო საატესტაციო კომისიის წევრები ობიექტურ გადაწყვეტილებებს გამოიტანს.
ქალაქის მერის თქმით, მოარული ხმები იმის შესახებ, რომ თითქოს და თანამდებობებზე კადრები ნაცნობობის მიხედვით დაინიშნება, აბსურდულია.
„ ჩვენ გვინდა, რომ ყველა კონკურსანტი იყოს თანაბარ პირობებში ჩაყენებული. ანუ გარედან შემოსული და დღვანდელი აქ დასაქმებული ადამიანები თანაბარ პირობებში იყვნენ. ყველამ უნდა გაიაროს ტესტირება და შემდეგ გასაუბრება. თუ გარედან შემოსული ადამიანი ტესტირებას და გასაუბრეას უკეთ გაართმევს თავს, ვიდრე ის ვინც აქ მუშაობს, რა თქმა უნდა ჩანაცვლება მოხდება. მე ვეჭვობ, რომ ბევრი აქ დასაქმებულის ჩანაცვლება მოხდება, თუმცა მინდა გითხრათ, რომ ეს ჩემი თვითმიზანი არ არის, “- აცხადებს მურღულია.
შეგახსენებთ, ქუთაისის ადგილობრივ თვითმმართველობაში გამოცხადებულ 196 ვაკანსიაზე შემოსული 1693 კონკურსანტიდან მეორე ეტაპზე 881 ადამიანი გადავიდა. მათ ტესტირება 16 ნოემბერს ჩაუტარდებათ.


გსურს, შენი კომპანიის, საწარმოს, ორგანიზაციის თუ დაწესებულების შესახებ მოსახლეობა მეტად ინფორმირებული იყოს? მაშინ განათავსე რეკლამა იმერეთის ახალი ამბების სააგენტოზე. (გთავაზობთ სხვადასხვა მომსახურეობას: თქვენს შესახებ ინფორმაციების გაშუქებას, თქვენი კომპანიის რეკლამის საიტზე ბანერის სახით განთავსებას, პრესრელიზების მომზადება- გავრცელებას სხვადასხვა საინფორმაციო ვებ-გვერდებზე, ფოტო-აუდიო, ვიდეო მომსახურეობას, პრესკონფერენციების, ბრიფინგების ორგანიზებას; დაგეგმილი ღონისძიებების წინასწარ ანონსირებას, მედიატურის და სემინარების ორგანიზებას). ითანამშრომლე ჩვენთან და იყავი წარმატებული! ჩვენთან რეკლამა სიმბოლური თანხა ღირს. დაინტერესების შემთხვევაში მოგვწერეთ ელექტრონულ მისამართზე topnewscomge@gmail.com -ზე ან დაგვირეკეთ: 595 01 82 49; 598 38 27 60.