Войти на сайт
Логин:
პაროლი:
რეგისტრაცია  :  დაგავიწყდა პაროლი?  :  დახურვა
Рекомендуем так же посмотреть фильмы и не забудьте о шаблоны dle на нашем ресурсе скачать аниме у нас на портале
ჩვენს შესახებ მოგვწერეთ კონტაქტი

ქუთაისში კინორეჟისორ ლანა ღოღობერიძის შემოქმედებითი საღამო გაიმართება

თარიღი : 5-11-2014, 13:11 | კატეგორია: ახალი ამბები, საზოგადოება   
topnews.com.ge
საქართველოს კულტურისა და ძეგლთა დაცვის სამინისტროს მხარდაჭერით, ქუთაისის ლადო მესხიშვილის სახელობის პროფესიულ სახელმწიფო დრამატულ თეატრში კინორეჟისორ ლანა ღოღობერიძის შემოქმედებითი საღამო გაიმართება.
როგორც კულტურის სამინისტროში აცხადებენ, ღონისძიებაზე რეჟისორი საკუთარ ლექსებს თავად წაიკითხავს, ნაჩვენები იქნება კადრები ლანა ღოღობერიძის კინოფილმებიდან, გამოიფინება მისი ნამუშევრებიც. შემოქმედებით საღამოში მონაწილეობას მიიღებენ როგოც ცნობილი ქართველი მსახიობები, ასევე მომღერლები.
ლანა ღოღობერიძის შემოქმედებითი საღამოს ორგანიზატორია ქუთაისის მერია და სსიპ ქუთაისის ლადო მესხიშვილის სახელობის პროფესიული სახელმწიფო დრამატული თეატრი.
ლანა ღოღობერიძე 1928 წლის 13 ოქტომბერს თბილისში დაიბადა. 1950 წელს დაამთავრა თბილისის სახელმწიფო უნივერსიტეტის ფილოლოგიის ფაკულტეტი, შემდეგ კი მოსკოვის სახელმწიფო უნივერსიტეტში კინემატოგრაფიის ფაკულტეტი. 1954 წელს მიიღო ფილოლოგიურ მეცნიერებათა კანდიდატის წოდება. 1957 წლიდან მუშაობდა კინოსტუდია "ქართულ ფილმში". 1975 წლიდან რუსთაველის თეატრის რეჟისორთა სტუდიას ხელმძღვანელობდა, ხოლო 1988 წლიდან სტუდია ქართული ფილმის დირექტორი იყო. 1992 წელს ლანა ღოღობერიძე გახდა საქართველოს პარლამენტის დეპუტატი. 1999 წლიდან იყო საქართველოს სრულუფლებიანი ელჩი ევროპის საბჭოში. 2004 წელს საფრანგეთში საქართველოს ელჩად დაინიშნა.
ლანა ღოღობერიძე არის ყველა იმ ფილმის სცენარის თანაავტორი, რომლის რეჟისორიცაა: "ერთი ცის ქვეშ" (1961), "მე ვხედავ მზეს" (1965), "ფერისცვალება" (1968), "როცა აყვავდა ნუში" (1972), "აურზაური სალხინეთში" (1975), "რამდენიმე ინტერვიუ პირად საკითხებზე" (1978), "დღეს ღამე უთენებია" (1984), "ორომტრიალი" (1986), "ვალსი პეჩორაზე" (1992).
ავტორია მონოგრაფიისა (1955 წ.) უოლტ უიტმენის შესახებ. ნათარგმნი აქვს უოლტ უიტმენის, ტაგორის, ვერლენის, ახმატოვას, პასტერნაკის ლექსები.
ლანა ღოღობერიძის მიღებული პრიზები: საკავშირო კინოფესტივალის პრემია საუკეთესო რეჟისორული ნამუშევრისთვის "როცა აყვავდა ნუში"; სან-რემოს საავტორო ფილმების საერთაშორისო კინოფესტივალის გრან-პრი ფილმისთვის "რამდენიმე ინტერვიუ პირად საკითხებზე"; საკავშირო კინოფესტივალის პრემია საუკეთესო ფილმისთვის "რამდენიმე ინტერვიუ პირად საკითხებზე"; საბჭოთა კავშირის სახელმწიფო პრემია ფილმისთვის "რამდენიმე ინტერვიუ პირად საკითხებზე"; კანის კინოფესტივალის მაყურებლის პრიზი, ფილმისთვის "დღეს ღამე უთენებია"; საკავშირო კინოფესტივალის ჟიურის სპციალური პრიზი ფილმისთვის "დღეს ღამე უთენებია"; ტოკიოს საერთაშორისო კინოფესტივალის პრიზი საუკეთესო რეჟისორული ნამუშევრისთვის "ორომტრიალი" და ღვაწლმოსილ რეჟისორს გადაეცა საქართველოს კულტურისა და ძეგლთა დაცვის სპეციალური პრიზი, - "ხელოვნების ქურუმი".


ნანახია: 1002-ჯერ

მსგავსი სიახლეები
ქუთაისის კულტურის ცენტრში ქართული ფილმების რეტროსპექტივა დაიწყო, რომელიც ქართული კინოს 110 წლის იუბილეს ეძღვნება.
ევროკავშირის წარმომადგენლობა საქართველოში აცხადებს კონკურსს ევროკავშირის კინოფესტივალის 2016 წლის მონაწილე ფილმებისთვის
ლელა ლომთაძე თითქმის 20 წელია მოღვაწეობს ქუთაისის ლ. მესხიშვილის სახელობის პროფესიულ სახელმწიფო დრამატულ თეატრში, როგორც
ქართული თეატრის დღის აღსანიშნავად, 14 იანვარს, ჭიათურის აკაკი წერეთლის სახელობის სახელმწიფო დრამატულ თეატრში, კულტურის სამინისტრო
1940 წელს ქუთაისის თეატრს ლადო მესხიშვილის სახელი მიენიჭა.
რამდენიმე დღის წინ ჭიათურის ერთ-ერთ რესტორანში ორი სუფრის წევრებს შორის ჩხუბი მოხდა, რომელშიც ჭიათურის მოქმედი მერი პაატა ნადირაძე მონაწილეობდა.
სურსათის ეროვნული სააგენტოს ინფორმაციით, მონიტორინგის მიზნით მიმდინარეობს ნიმუშების აღება სხვადასხვა სარეალიზაციო ობიექტში, მსხვილ ქსელებსა და აგრარულ ბაზრებში.

ამინდი