"სტუდენტური დღეები" და საჩუქრები სტუდენტებისთვის წერეთლის უნივერსიტეტში

მიმდინარე წლის სამი ნოემბრიდან ცამეტი ნოემბრის ჩათვლით, ქუთაიისს აკაკი წერეთლის სახელმწიფო უნივერსიტეტის სტუდენტური თვითმმართველობის ორგანიზებით სასწავლებელში შიდასაუნივერსიტეტო სტუდენტური დღეები ტარდება.

სტუდენტური დღეების ფარგლებში დაგეგმილია პოეზიის საღამოების, ფოტოკონკურსის, ხელნაკეთი ნივთების გამოფენის, კულინარიული შეჯიბრისა და სხვადასხვა კულტურულ-სპორტული ღონისძიების მოწყობა.

აღნიშნულ საკონკურსო პროექტებში გამარჯვებული სტუდენტები დაჯილდოვდებიან 15 ნოემბერს მესხიშვილის თეატრში ანსამბლ "შვიდკაცა"-ს კონცერტზე.

„სტუდენტური დღეებში“ მონაწილეობა მხოლოდ სტუდენტებს შეუძლიათ.