ვანის მოსახლეობამ სახალხო დამცველს პრობლემები გააცნო

საქართველოს სახალხო დამცველი უჩა ნანუაშვილი ვანის მუნიციპალიტეტში იმყოფებოდა, სადაც აპარატის წარმომადგენლებთან ერთად, ადგილობრივ მოსახლეობას შეხვდა.
შეხვედრას ვანის მუნიციპალიტეტის გამგებლის მოადგილეები, საკრებულოს თავმჯდომარის მოადგილე, რესუსრსცენტრის უფროსი და ადმინისტრაციული ერთეულების გამგებლის წარმომადგენლები ესწრებოდნენ.
შეხვედრა კითხვა-პასუხის რეჟიმში მიმდინარეობდა. სახალხო დამცველი დეტალურად გაეცნო მუნიციპალიტეტში არსებულ პრობლემებს.
მოსახლეობის ძირითად პრობლემას საგზაო ინფრასტრუქტურა, ხე-ტყის მოპოვება, გაზიფიკაცია და ჯანდაცვის ხელმისაწვდომობა წარმოადგენს.
უჩა ნანუაშვილის განცხადებით სახალხო დამცველის აპარატი მოსახლეობის საკითხების შესწავლას დაიწყებს და შესაბამის უწყებებს რეკომენდაციით მიმართავს.