ქუთაისის ახალი მერის შესარჩევად შესაძლოა კონკურსი არ გამოცხადდეს

ქუთაისის მერის ვაკანტური თანამდებობის დასაკავებლად შესაძლოა კონკურსი არ გამოცხადდეს.
ქალაქის საკრებულოს თავმჯდომარის თამაზ მარგველაშვილის განცხადებით, უახლოეს დღეებში საკრებულოს სხდომა ჩაინიშნება, სადაც გადაწყდება რომელი ვიცე-მერი შეასრულებს ქალაქის მერის მოვალეობას. მარგველაშვილის თქმით, ამ შემთხვევაში ქალაქს ვიცე-მერი უხელმძღვანელებს და ახალი მერის შესარჩევად კონკურსი არ გამოცხადდება.
ქუთაისის მერის დიმიტრი კოპალიანის განცხადება გადადგომის შესახებ საკრებულოს კანცელარიაში გუშინ შევიდა, თუმცა თამაზ მარგველაშვილის თქმით, განცხადებაზე ხელი ჯერ არ მოუწერია.