ქუთაისის მე-2 საპყრობილეში ხანგრძლივი პაემნების სერვისი ამოქმედდა

ქუთაისის #2 სასჯელაღსრულების დაწესებულებაში სასჯელაღსრულების მინისტრი იმყოფებოდა.
სასჯელაღსრულების მინისტრმა სოზარ სუბარმა ჟურნალისტებთან ერთად დაწესებულებაში ხანგრძლივი პაემნებისთვის განკუთვნილი სასტუმროს ტიპის რვა ოთახი დაათვალიერა. ოთახები საბამისი ავეჯითა და ტექნიკით არის აღჭურვილი.
"ქუთაისის #2 დაწესებულება საქართველოში ერთ-ერთი მთავარი საპყრობილეა პატიმრების რაოდენობით. აქამდე ციხეს მსგავსი ხანგრძლივი პაემნების სერვისი არ ჰქონდა, დღეს კი ის ამოქმედდა", - განაცხადა სოზარ სუბარმა.
ხანგრძლივი პაემნის სერვისით უკვე ისარგებლა პატიმარმა გია თებიძემემ, რომლის თქმითაც, მსგავსი სერვისი მათთვის მისაღებია და ეს ყველაფერი მათ საზოგადოებაში მეტად ინტეგრირებას შეუწყობს ხელს.