ქუთაისისთვის ფუნქციის დაბრუნებას მოქალაქეთა საინიციატივო ჯგუფი შეეცდება

ქუთაისში მცხოვრები მოქალაქეები საქართველოს პარლამენტის ორპალატიანად გადაკეთების მოთხოვნით ხელმოწერების შეგროვებას იწყებენ.
საინიციატივო ჯგუფს ორგანიზებას პარტია „თავისუფალი“ საქართველოს იმერეთის ორგანიზაცია უწევს.
ორგანიზაციის თავმჯდომარე გოგი წულაია განმარტავს, რომ ჯგუფი ყოველგვარი პოლიტიკური მიზნების გარეშე მოქმედებს და კამპანიის მიზანს ქუთაისისთვის მეტი დატვრითვის მიცემა და ფუნქციის დაბრუნება წარმოადგენს.
წულაია განმარტავს, რომ ორპალატიანი პარლამენტის შემთხვევაში, მაჟორიტარებით დაკომპლექტებული პალატა ქუთაისში იმუშავებს, ხოლო პროპორციული სიით პარლამენტში მოხვედრილი დეპუტატები თბილისში იქნებიან. ასევე, წარმომადგენლობით პალატა მიიღებს პარლამენტში ჩამოსულ სხვადასხვა დელეგაციას.