მრავალშვილიანი მამა პარლამენტის ცენტრალური შესასვლელის პიკეტირებას გეგმავს

ქუთაისში მცხოვრები სოციალურად დაუცველი დავით გვეტაძე პარლამენტის შენობის ცენტრალური შესასვლელის პიკეტირებას გეგმავს.
გვეტაძე რომელიც საკანონმდებლო ორგანოს ცენტრალურ შესასვლელთან ზის, აცხადებს, რომ არავის გატარებას არ აპირებს, ვიდრე დეპუტატები მის პრობლემებს არ გაეცნობიან. მოქალაქის თქმთ, ის მრავალშვილიანი მამაა და შვილების აღზრდა მარტოს უწევს.

ტერიტორიაზე საპატრულო პოლიციის რამდენიმე ეკიპაჟი იმყოფება. სამართალდამცავები მოქალაქეს პარლამენტის ტერიტორიის დატოვებას სთხოვენ.