სამტრედიის ბაღებში უვარგისი ხორცი აღმოაჩინეს

სამტრედიის ბაღებში უვარგისი ხორცი აღმოაჩინეს.
როგორც topnews.com.ge-ს ბაღების გაერთიანების ხელმძღვანელმა ხათუნა ახობაძემ განუცხადა, პროდუქციით მომმარაგებელმა კომპანიამ მათ ფორმა 2 არ წარუდგინა, რის შემდეგადაც დაეჭვდა და ბაღებში მონიტორინგი განახორციელა.

„ფორმა 2-ის არმოტანის შემდეგ ეჭვი გამიჩნდა, რომ პროდუქცია უვარგისი იქნებოდა. ქალაქის ხელმძღვანელობასთან ერთად, მართლაც განვახორციელე მონიტორინგი ბაღებში და ვნახეთ, რომ ხორცს ფაქტობრივად მატლები ესეოდა და შენობაში შესვლა სუნის გამო შეუძლებელი იყო“, - განაცხადა ხათუნა ახობაძემ.

ბაღების გაერთიანების ხელმძღვანელის ბრალდებებს ბაგა-ბაღების პროდუქციით მომმარაგებელი კომპანია შპს „ვირშელი“ ეხმაურება. კომპანიის ცნობით, მათი ბრალდებები ფირმის მისამართით უსაფუძვლოა.