"ხელისუფლებების ღორულ საქმიანობას ვაპროტესტებთ. მაგათ გაძღომას არ დაადგა საშველი"

პოლიტიკური რეპრესიების მსხვერპლი მევლუდ ბობოხიძე რეპრესირებულთა მიმართ სახელმწიფოს მხრიდან განსაზღვრული საკომპენსაციო თანხის რაოდენობის გაზრდას ითხოვს.
ბობოხიძის თქმით, იმ ფონზე, როდესაც ხელისუფლების წევრები მაღალ ხელფაებსა და პრემიებს იღებენ, რეპრესირებულთათვის 1000 ლარიდან 2000 ლარამდე კომპენსაციის გაცემა სირცხვილია.
„შევარდნაძის ხელისუფლებიდან დაწყებული ამათი ხელისუფლების ჩათვლით, ღორულ საქმიანობას ვაპროტესტებთ. მაგათი გაძღომის საშველი არ დადგა ამ ქვეყანაში. რეპრესიების დროს ხალხი დახვრიტეს, გადაასახლეს და 2 000 ლარს აძლევენ. ეს არის მორიგი ბლეფი, ხალხის მოტყუება და მაიმუნობა, როდესაც თვითონ ათიათასებს იღებენ,“ - ამბობს ბობოხიძე.
რეპრესირებულთათვის განკუთვნილი კომპენსაცია ვრცელდება საქართველოს მოქალაქეებზე, რომლებმაც პოლიტიკური რეპრესია განიცადეს ყოფილი სსრკ-ის ტერიტორიაზე 1921 წლის თებერვლიდან 1990 წლის 28 ოქტომბრამდე და შემდგომ დამოუკიდებელი საქართველოს ტერიტორიაზე.