მერიის ტრანსპორტის სამსახურის უფროსის პასუხი მძღოლებს-სამსახურს არ დავტოვებ

ქუთაისის მერიის ტრანსპორტის სამსახურის უფროსის ნიკა კეპულაძის განცხადებით, ის თანამდებობის დატოვებას არ აპირებს. კეპულაძე ამგვარად ქუთაისში საქალაქო ტრანსპორტზე მომუშავე მძღოლების მოთხოვნას პასუხობს.
„სამსახურიდან წასვლას არ ვაპირებ. უფრო მეტიც, კონკურსში განაცხადი შეტანილი მაქვს და ვმონაწილეობ. ჩვენ მძღოლებთან არანაირი იურიდიული ვალდებულება არ გვაქვს. ხელშეკრულება გადამზიდავებთან გვაქვს გაფორმებულ იდა გადამზიდავებმა მოუარონ მძღოლებს. მათ შეუძლიათ სასამართლოსაც მიმართონ,“ - ამბობს ნიკა კეპულაძე.
ქალაქის მერიის ტრანსპორტის სამსახურის უფროსი იმასაც ამბობს, რომ მძღოლების განცხადება, რომ მისი სამსახურის უფროსობის პერიოდში ქალაქში ახალი ხაზები გაიხსნა, არასწორია.
შეგახსენებთ, რომ ქუთაისში ტრანსპორტის მძროლები კვლავ გაიფიცნენ. #1, #5 და #20 საქალაქო ხაზებზე მოძრავი ავტობუსებისა და მიკროავტობუსების მძღოლები ტრანსპორტით ქალაქის მერიასთან მივიდნენ.