ქუთაისის ტორპედოს მხარდამჭერები კლუბის დამფინანსებელს დაფინანსების გაზრდისაკენ მოუწოდებენ

ქუთაისის საფეხბურთო კლუბის „ტორპედოს“ მხარდამჭერები კომპანია „ვისოლისგან“ დაფინანსების გაზრდას ითხოვენ. აღნიშნული მოთხოვნით მხარდამჭერებმა ქუთაისში, „ვისოლის“ სახელობის სკვერში აქცია გამართეს.
აქციის მონაწილეთა თქმით, „ტორპედო“ ხელწამოსაკრავი გუნდი არ არის. ხოლო დაფინანსების ზრდა გუნდის წარმატებისათვის აუცილებელია.
ქუთაისის ვიცე-მერის ნოდარ მიქიაშვილის განცხადებით, კომპანია „ვისოლთან“ შეთანხმება მიღწეულია იმასთან დაკავშირებით, რომ „ვისოლი“ საფეხბურთო კლუბს ერთი წლის განმავლობაში მილიონი ლარით დააფინანსებს.