ქუთაისის ტორპედოზე ზრუნვას ვისოლი გააგრძელებს

ქუთაისის საფეხბურთო კლუბ „ტორპედოს“ კომპანია „ვისოლი“ ერთი წლის განმავლობაში მილიონ ლარს დაახარჯავს.
ქუთაისის ვიცე-მერის ნოდარ მიქიაშვილის განცხადებით, საფეხბურთო კლუბთან დაკავშირებით კომპანიასთან მოლაპარაკებები დაახლოებით სამი კვირის განმავლობაში მიმდინარეობდა.
„ქუთაისს ეყოლება ნორმალური კლუბი. „ვისოლმა“ გამოიჩინა კეთილი ნება, რომ წლის ბოლომდე „ტორპედოს“ დაფინანსება გაუგრძელოს. ყველას აქვს მეტ-ნაკლები მოთხოვნა, თუმცა შეთანხმება მიღწეულია. 4 აგვისტოდან კლუბის წევრებს, ვინც ამ პირობებზე იქნება თანამა, კონტრაქტები გაუფორმდებათ,“ - განაცხადა მიქიაშვილმა.
ცნობისთვის, ქუთაისის „ტორპედოს“ ფეხბურთელებმა და გულშემატკივრებმა საფეხბურთო კლუბ „ტორპედოს“ ბაზაზე საპროტესტო აქცია გამართეს.

ფეხბურთელების თქმით, მათ ორ თვეზე მეტია, ხელფასი არ მიუღიათ და ასევე ბაზაზე ფეხბურთელებისთვის მწირე დაფინანსების გამო საკვების პრობლემაც დგას.