ქუთაისში მდებარე ხის საამქროს ცეცხლი გაუჩნდა

ქუთაისში, ილია ჭავჭავაძის გამზირზე მდებარე ხის საამქროს ცეცხლი გაუჩნდა.
როგორც topnews.com.ge-ს ადგილზე განუცხადეს, ავეჯის ცეხი დასახლებულ პუნქტთან ახლოს მდებარეობს და ძლიერი ცეცხლის გამო კორპუსებში არსებული ხისა და მეტალოპლასტმასის ფანჯრები დაზიანდა.
"როგორ შეიძლება, რომ კურპუსის წინ 5 მეტრში იყოს ხის საამქრო? ჩვენს კორპუსში მცხოვრები ყველა ოჯახის ფანჯარა თითქმის დამწვარია. მე მაგალითად, მეტალოპლასტმასის ფანჯრები მაქვს, რომელიც ისეა დაზიანებული, რომ აღარ ივარგებს. ვინ ამინაზღაურებს ამ ზარალს, არ ვიცი", - აცხადებს ადგილობრივი შორენა ლუტიძე.

შემთხვევის ადგილზე რამდენიმე სახანძრო ეკიპაჟი იყო მობილიზებული. ცეცხლის ჩაქრობა მათ რამდენიმე საათში შესძლეს.