ქუთაისი საერთაშორისო ფესტივალს მასპინძლობს

საერთაშორისო ფესტივალი ,,არტ-გენი“ ქუთაისში 12 ივლისს ჩამოდის.
დასკვნითი რეგიონალური ,,არტ-გენი“ 12 საათზე, ქუთაისში,ნიკეაზე ,,იმერი პარკში“ გაიმართება. წარმოდგენილი იქნება: ხალხური სიმღერა, ცეკვა, საბრძოლო ხელოვნება,სახალხო პოეზია, რეწვა ,დასავლეთ საქართველოს ფოლკლორული შემოქმედება.ფესტივალს დაასრულებს რობი კუხიანიძისა და ,,ფრანის“ კონცერტი.
ქუთაისში ფესტივალი იმერეთის სამხარეო ადმინისტრაციის, ასევე, ქუთაისის მერიისა და კულტურის,განათლების და ძეგლთა დაცვის სამსახურის მხარდაჭერით იმართება.
ფესტივალი 29 ივნისს თელავიდან დაიწყო.