ქუთაისში მომხმარებელთა უფლებებს ენერგოომბუდსმენი დაიცავს

მომხმარებელთა პრობლემების კვლევასა და პრობლემებზე სწრაფ რეაგირებას ენერგოომბუდსმენი მოახდენს.
სემეკმა ქუთაისში ენერგოომბუდსმენის აპარატის წარმომადგენლობა გახსნა. ქუთაისში ენერგოომბუდსმენის წარმომადგენლობა სახალხო დამცველის იმერეთის ოფისში იმუშავებს.
„წარმომადგენლობის გახსნის მიზანი იყო, რომ ახლოს ვიყოთ რეგიონებთან. ნებისმიერი კომპანია მონოპოლისტია, რომელთანაც მოქალაქეები ისეთივე უსუსურები არიან, როგორც სახელმწიფო მანქანასთან,“ - განაცხადა ენერგოომბუდსმენმა სალომე ვარდიაშვილმა.
მომხმარებელთა ინტერესების საზოგადოებრივი დამცველის სამსახური მომავალში წარმომადგენლობის გახსნას ბათუმსა და თელავში გეგმავს.