ქუთაისში ინტელექტუალურ მარათონში პირველმა საჯარო სკოლამ გაიმარჯვა

ხვალ, ქუთაისში გამართული ინტელექტუალური მარათონის გამარჯვებულებს დააჯილდოვებენ.
პროექტი „აია გრძნობაა“ და ქუთაისის მერიის სპორტისა და ახალგაზრდობის სამსახურის ერთობლივი ორგანიზებითა და მხარდაჭერით განხორციელდა.
ქუთაისის მაშტაბით პროექტში16 სკოლის 24 გუნდი მონაწილეობდა, სულ 120 მოსწავლე. მოსწავლეებს ტურები გუნდური თამაშის პრინციპით ჩაუტარდათ.
პირველი ტური პროექტის მონაწილეებმა სასკოლო პროგრამის მიხედვით ჩააბარეს, დასკვნითი გუნდური ტურის თემა კი „ქუთაისი“ იყო.
სამ ტურიან მარათონში ქულების რაოდენობით პირველი ადგილზე ქუთაისის პირველი საჯარო სკოლა გავიდა. გაზაფხულის სეზონის ინტელექტუალი მოსწავლე კი ანა ქურციკიძე გახდა.
პროექტის მონაწილეებსა და გამარჯვებულებს ხვალ ფონდი „აია გრძნობაა“ და ქუთაისის მერიის სპორტისა და ახალგაზრდობის საქმეთა სამსახური ფასიანი საჩუქრებით დააჯილდოვებენ.