შორაპანი-არგვეთას მონაკვეთზე, 14.7 კმ სიგრძის 4 ზოლიანი გზის, 17 ხიდის და 10 გვირაბის მშენებლობა მიმდინარეობს

ჩქაროსნული მაგისტრალის რიკოთის მეოთხე, შორაპანი-არგვეთას მონაკვეთზე - პროექტის ფარგლებში N4 ხიდზე, (არგვეთა-თბილისის მიმართულება) ლითონის კოჭების მონტაჟის სამუშაოები დასრულდა.

აღნიშნული სამუშაოები კოჭის სამონტაჟო სპეციალური დანადგარით შესრულდა, რომელიც დღეის მდგომარეობით, საქართველოში ტვირთამწეობით ყველაზე დიდი მოცულობის არის. მაქსიმალური ტვირთამწეობა 400 ტონას შეადგენს.

შორაპანი-არგვეთას მონაკვეთზე, ჯამში, გათვალისწინებულია 14.7 კმ სიგრძის 4 ზოლიანი გზის, 17 ხიდის და 10 გვირაბის მშენებლობა. აღსანიშნავია, რომ მეოთხე ხიდის სიგრძე 458 მეტრს შეადგენს.

შორაპანი-არგვეთას მონაკვეთის მშენებლობას აზიის განვითარების ბანკი (ADB) აფინანსებს.