ვანის მერმა მოხალისეებთან ერთად, ვანში სხვადასხვა ტერიტორია დაასუფთავა

წყლის რესურსების დაცვის საერთაშორისო დღესთან დაკავშირებით, ვანის მუნიციპალიტეტში დასუფთავების აქცია გაიმართა.

დასუფთავების აქციაში მონაწილეობა ვანის მერმა ალექსანდრე გოგორიშვილმა, მერის მოადგილეებმა, ადგილობრივი ხელისუფლების წევრებმა, მერიის თანამშრომლებმა და სხვა მოხალისეებმა მიიღეს.

აღნიშნული აქციის ფარგლებში ვანში დასუფთავდა რამდენიმე ლოკაცია, მათ შორის დავით ყიფიანის სახელობის ახლადრეაბილიტირებული სკვერი, მდინარე სულორის და ჭიშურას სანაპიროები, ასევე დიხაშხოს გოგირდის გეიზერების მიმდებარე ტერიტორია.

წყლის რესურსების დაცვის საერთაშორისო დღესთან დაკავშირებით, დასუფთავების აქცია ვანში ყოველწლიურად იმართება და მასშტაბურ ხასიათს ატარებს.