თეიმურაზ ნადირაძე: -‘სასწრაფო დახმარების სამსახურში ქუთაისელი სტუდენტები პრაქტიკას გაივლიან’

„ქართული ოცნების“ ქალაქ-მუზეუმის ოლქის მაჟორიტარი დეპუტატობის კანდიდატი თეიმურაზ ნადირაძე დღეს ქუთაისის დემოკრატიული ჩართულობის ცენტრში, აკაკი წერეთლის სახელმწიფო უნივერსიტეტის სამედიცინო ფაკულტეტის სტუდენტებს შეხვდა. შეხვედრაზე ნადირაძემ საარჩევნო პროგრამაზე ისაუბრა.
„სექტემბრიდან ვგეგმავთ უნივერსიტეტის სტუდენტებს სასწრაფო დახმარების სამსახურში პრაქტიკის გავლა შევთავაზოთ. თავიდან რა თქმა უნდა ეს არაანაზღაურებადი იქნება, თუმცა, მომავალში მათ დასაქმების რეალური შანსი ექნებათ",-ამბობს ნადირაძე.
ნადირაძის თქმით, პროექტის განხორციელება დაფინანსებაზეა დამოკიდებული.