ნიკეას ნაგავსაყრელი ერთ თვეში დაიხურება

რეგიონალური განვითარებისა და ინფრასტრუქტურის მინისტრმა "საქართველოს მყარი ნარჩენების კომპანიის" დირექტორთან და ქუთაისის ადგილობრივი თვითმმართველობის წარმომადგენლებთან ერთად ქუთაისის ნიკეას ნაგავსაყრელზე მიმდინარე სამუშაოები დაათვალიერა.
მინისტრის თქმით, დაახლოებით ერთ თვეში ნიკეას ნაგავსაყრელზე ნარჩენების დაკონსერვებითი სამუშაოები დასრულდება და ნაგავსაყრელი დაიხურება.
"ნიკეას ნაგავსაყრელზე უკვე კეთილმოწყობის ფინალური ეტაპის სამუშაოები მიმდინარეობს. დაახლოებით ერთ თვეში ნაგავსაყრელი დაიხურება. ახალი ნაგავსაყრელის მოწყობითი სამუშაოები კი თერჯოლის რაიონის სოფელ გოდოგანში დაიწყება",–ამბობს რეგიონალური განვითარებისა და ინფრასტრუქტურის მინისტრი ელგუჯა ხოკრიშვილი.
"გერმანიის რეკონსტრუქციისა და განვითარების ბანკის (kfw) მხარდაჭერით უკვე დაწყებულია ახალი, საერთაშორისო სტანდარტების შესაბამისი იმერეტის რეგიონული ნაგავსაყრელის მშენებლობის პროექტის მოსამზადებელი სამუშაოები. ახალი ნაგავსაყრელის მშენებლობა სოფელ გოდოგანში 2014–2017 წელბში განხორციელდება,რომლის ექსპლოატაციაში შესვლის შემდეგარსებული ნაგავსაყრელი ევროსტანდარტების შესაბამისად დაიხურება",–განაცხადა "საქართველოს მყარი ნარჩენების კომპანიის" დირექტორმა გიორგი შუხოშვილმა.
ნიკეას ღია ტიპის ნაგავსაყრელი ქუთაისში 1956 წლიდან ნახევარ საუკუნეზე მეტია ფუნქციონირებს.