ქუთაისში, თბილისის ქუჩაზე ტრანსპორტის მოძრაობა იკრძალება

ქუთაისში, ცენტრალურ მოედანზე, მუზეუმის შენობის რეაბილიტაციასთან დაკავშირებით, დროებით იცვლება მოძრაობის წესები.

ქალაქის მერიის ინფორმაციით, თბილისის ქუჩა ყველა ტიპის სრულად დაიკეტება სატრანსპორტო საშუალებისთვის.

"მოძრაობა შესაძლებელი იქნება კოსტავას და გელათის ქუჩების გავლით.

ტრანსპორტი ცალმხრივად იმოძრავებს კოსტავას ქუჩიდან 26 მაისის ქუჩის მიმართულებით, ხოლო 26 მაისის ქუჩიდან- გელათის ქუჩის გავლით ცენტრალური მოედნისკენ.

იცვლება N19 ავტობუსის სვლაგეზი. M3 კატეგორიის სატრანსპორტო საშუალება ( N19) თბილისის ქუჩის ნაცვლად, იმოძრავებს კოსტავას ქუჩის გავლით, 26 მაისისა და სოლომონ 1 ქუჩების კვეთამდე, ხოლო ცენტრალურ მოედნამდე იმოძრავებს 26 მაისისა და გელათის ქუჩების გავლით.

შეზღუდვა იმოქმედებს 30 იანვრის 10:00 საათიდან 9 თებერვლამდე.

ბოდიშს გიხდით შექმნილი შეფერხების გამო,"-აცხადებენ ქალაქის მერიაში.