ქუთაისის მერიაში ქუთაისისა და ნიუპორტის 25 წლიანი მეგობრობა აღნიშნეს

ქუთაისის და ნიუპორტის დამეგობრებიდან 25 წელი გავიდა. იუბილესთან დაკავშირებით დღეს ქუთაისის მერიას ნიუპორტისა და ქუთაისის მეგობრობის ასოციაციის წევრები სტუმრობდნენ. მერიისა და სამხარეო ადმინისტრაციის წარმომადგენლებთან შეხვედრაზე საუბარი შეეხო 25 წლიანი მეგობრობის შედეგად განხორციელებულ პროექტებს და გამოითქვა სურვილი ურთიერთობების კიდევ უფრო გაღრმავების.
"25 წელია ჩვენი ქალაქები მეგობრობენ. ამ ხნის განმავლობაში ჩვენ განვახორციელეთ უამრავი პროექტი. განსაკუთრებით მნიშვნელოვანი იყო გაცვლითი პროგრამები, როცა ორი კვირის განმავლობაში ჯერ ქუთაისიდან, შემდეგ კი ნიუპორტიდან ქუთაისში გადამზადდნენ ჩვენი სტუდენტები. ჩვენ მზად ვართ კიდევ უფრო გავაღრმავოთ ეს ურთიერთობები",–ამბობს ქუთაისისა და ნიუპორტის ასოციაციის პრეზიდენტი სონია ფიშერი.
"1984 წლიდან მეგობრობს ეს ორი ქალაქი და ბევრი კარგი პროექტი განხორციელდა ამ ურთიერთობების შედეგად. განსაკუთრებით მნიშვნელოვანი იყო სტუდენტების გაცვლითი პროგრამა, ასევე პედაგოგებისა და მეხანძრეების გადამზადება. იმედი გვაქვს ეს მეგობრობა კიდევ უფრო გაღრმავდება",–განაცხადა ქუთაისის მერის მოვალეობის შემსრულებელმა ნოდარ მიქიაშვილმა.