'არასაპარლამენტო ოპოზიციის' დასკვნითი შეხვედრა ქუთაისის ოპერის თეატრში

"არასაპარლამენტო ოპოზიციამ"ქუთაისში არჩევნებამდე ერთ–ერთი ბოლო მობილიზაცია ქუთაისის ბალანჩივაძეების სახელობის ოპერისა და ბალეტის თეატრში გააკეთა. შეხვედრაზე საარჩევნო ბლოკში შემავალი პარტიის "თავიუსფალი საქართველოს" ლიდერმა კახა კუკავამ ქუთაისის მერობის კანდიდატი და მაჟორიტარი დეპუტატები კიდევ ერთხელ წარადგინა და ამომრჩევლებს მათი მხარდაჭერისკენ მოუწოდა.
"ჩვენი მერობის კანდიდატი მიმი გაბრიჩიძე არის პოლიტიკურად სუფთა წარსულის მქონე ადამიანი და ის ნამდვილად არის ის კანდიდატი, რომელსაც ქუთაისელმა ამომრჩეველმა მხარი უნდა დაუჭიროს. რაც შეეხება ქუთაისში ჩვენი სიის პირველ ნომერს, გოგი წულაიას ყველა კარგად იცნობს და მისი მტკიცე ხასიათის შესახებ ყველამ იცის",–განაცხადა კუკავამ.
შეხვედრაზე პარტიის ლიდერმა საარჩევნო პროგრამაზე ისაუბრა და მთავარი პრიორიტეტებიც გააჟღერა.