ძლიერი ქარის გამო, ქუთაისის მოსახლეობის ნაწილს სასმელი წყალი კვლავ არ მიეწოდება

ქუთაისში ძლიერი ქარისგან გამოწვეული ელექტროგადამცემი ხაზების დაზიანების გამო, ფარცხანაყანევის სათავე ნაგებობასა და კლდიაშვილის სატუმბ სადგურს ელექტროენერგია არ მიეწოდება, რის შედეგადაც, წყალმომარაგება შეწყვეტილია საფიჩხიის, სულხან-საბას, ვაკისუბნისა და ნიკეას ადმინისტრაციული ერთეულებისთვის.

როგორც კომპანიაში აცხადებენ, “ენერგო-პრო ჯორჯია” აქტიურად მუშაობს პრობლემის დროულად მოსაგვარებლად.

“კომპანია ბოდიშს გიხდით შექმნილი დისკომფორტის გამო. დამატებითი ინფორმაცია შეგიძლიათ იხილოთ საიტზე: www.water.gov.ge. 24 საათიან რეჟიმში მუშაობს კომპანიის ცხელი ხაზი: 032 293 00 00,”-ნათქვამია განცხადებაში.