ცნობილია იმ მომღერლების ვინაობა, რომლებიც ახალი წლის ღამეს ქუთაისში იმღერებენ

ცნობილია იმ მომღერლების ვინაობა, რომლებიც 31 დეკემბრის ღამეს, ქუთაისის ცენტრალურ მოედანზე ქუთაისელებს უმღერებენ.

საახალწლო კონცერტზე გამომსვლელი მომღერლების ჰონორარში ადგილობრივი ბიუჯეტიდან 55 700 ლარი დაიხარჯება.

ახალი წლის ღამეს ქუთაისში ჯგუფი „მგზავრები” იმღერებენ, რომელთა ჰონორარი 42 000 ლარი იქნება,
4 000 ლარია განსაზღვრული “ჩვენი კვარტეტი”-სთვის, “ოჩოს ქოხი” 7 655 ლარს, ხოლო ინდირა ჯგერნაია - 2 045 ლარს მიიღებს.

ცნობისთვის, ქუთაისში ქალაქის ქუჩების საახალწლოდ მორთვა დაწყებულია. მიმდინარე წელს ქუთაისს ასევე ახალი ნაძვის ხე ექნება.