საჩხერის საკრებულოს თავმჯდომარე იმერეთში, ‘ქართული ოცნების’ ამომრჩევლებს ხვდება

იმერეთში, “ქართული ოცნების” პარტიულ აქტივთან შეხვედრები მიმდინარეობს. ინდივიდუალურ შეხვედრებს საჩხერის საკრებულოს თავმჯდომარე და ზემო იმერეთის რეგიონალური კოორდინატორი გაგა დარბაიძე მართავს.

დარბაიძე უკვე შეხვდა პარტიის ხარაგაულის, თერჯოლისა და ზესტაფონის პარტიულ აქტივს.

დაგეგმილია შეხვედრები საჩხერის, ჭიათურისა და ტყიბულის საოლქო ორგანიზაციების ოფისებში.

შეხვედრაზე ჩაწერის მსურველი პირები რაიონულ ორგანიზაციებს წინასწარ მიმართავენ. მიზანს მოქალაქეთა საჭიროებებისა და პოზიციების კვლევა წარმოადგენს.