ზესტაფონელი ქალი, რომელსაც ერთი შვილი გაზით გაეგუდა, მეორე, გარდაცვლილად გამოცხადებულ შვილს ეძებს

სოციალურ ქსელში შექმნილ ჯგუფში სახელწოდებით “ვეძებ” ამჯერად ზესტაფონელი ქალბატონის ისტორია ვრცელდება. ქალბატონი, რომელსაც 1991 წლის 18 ნოემბერს ზესტაფონის სამშობიარო სახლში ტყუპები შეეძინა, ტყუპისცალს ეძებს.

“ვიყავი 15 წლის. მეყოლა ბიჭი და გოგო. ორი კვირა გამაჩერეს სამშობიაროში, ორი კვირა ვაჭმევდი ბავშვებს ძუძუს. შემდეგ გოგო გამიქრეს. მითხრეს, ტყუპისცალი არ იყო, მომყოლი იყოო, ხოლო ძუძუს ვისაც ვაჭმევდი, მითხრეს: სხვისი შვილი იყო ის ბავშვიო.

ტყუპისცალი ბიჭი კი წელს გარდამეცვალა, გაზით გაიგუდა. დავურთავ მის ფოტოს. გამომეხმაურე თუ გეცნო ისტორია,”-ნათქვამია ქალის წერილში.