ქუთაისში ძლიერმა წვიმამ მოსახლეობას პრობლემები შეუქმნა

ქუთაისის მერიის კეთილმოწყობის სამსახურის უფროსის ზურაბ ზამბახიძის თქმით, ქალაქის მერია საგანგებო რეჟიმში მუშაობს. უხვი ნალექის გამო, დავითი და კონსტანტინეს ქუჩა დაიტბორა, რის შედეგადაც წყალი ერთ-ერთ მოსახლეს სახლში შეუვიდა.
„ადგილზე გამოვცხადდით რამდენიმე წუთში, წყლის დინებას სხვა მიმართულება მივეცით და დაზარალებულ ოჯახს პრობლემა მოვუხსენით,“- ამბობს ზამბახიძე.
დღესვე, წითელი ხიდის მიმდებარე ტერიტორიაზე, ტაბიძის ქუჩაზე, ერთ-ერთ ამორტიზირებულ ორსართულიან კორპუსზე საგანგებო სიტუაციების სამსახურმა დაზიანებული აივანის დემონტაჟი განახორციელა.
„აივანი ავარიული იყო წლების განმავლობაში და მოსახლეობისათვის საფრთხეს წარმოადგენდა.ამიტომ მოვხსენით, "- ამბობს ზამბახიძე.