ქუთაისის მერიის ბაგა-ბაღების გაერთიანებაში რეორგანიზაციის პროცესი დაიწყო

ქუთაისის მერიის ბაგა-ბაღების გაერთიანებაში რეორგანიზაციის პროცესი დაიწყო. ქალაქში არსებული საბავშვო ბაღების ხელმძღვანელებს უკვე ჩაბარდათ ოფიციალური წერილი, რომელშიც საუბარია, რომ რეორგანიზაციის პროცესს ბაღებში შესაძლოა თანამშრომელთა რაოდენობის შემცირება მოყვეს.

ბაგა-ბაღების გაერთიანების ხელმძღვანელი დავით წიტაიშვილი ამბობს, რომ ოპტიმიზაციის პროცესი პირველ აგვისტოს დაიწყო, პროცესი ერთთვიანია და რეორგანიზაცია ისე დასრულდება, როგორც სამსახურისთვის და სამუშაო პროცესისთვის უკეთესი იქნება.

ცნობისთვის, ქუთაისის მერიის ბაგა-ბაღების გაერთიანება 37 ფილიალს აერთიანებს, რომელიც 10 000-მდე აღსაზრდელს ემსახურება.