ხარაგაულის სოფელში საცხოვრებელი სახლი ხანძარმა გაანადგურა

ხარაგაულის სოფელ ვაშლევში წიქარიშვილების ოჯახი საცხოვრებელი სახლის გარეშე დარჩა. სახლი ხანძრის შედეგად დაიწვა.

როგორც ხარაგაულის მერიაში აცხადებენ, დაზარალებულ ოჯახს საკვები პროდუქტებით მოამარაგებენ და სტიქიით დაზარალებულთა დახმარების პროგრამიდან ფინანსურ დახმარებას გაუწევენ.

“ოჯახს ამ ეტაპზე ესაჭიროება ყველა სახის საყოფაცხოვრებო ნივთი, რაც არსებობისთვის მნიშვნელოვანია.

ხარაგაულის მერია მიიღებს ნებისმიერი სახის შემოწირულობას წიქარიშვილების ოჯახის დასახმარებლად,”-აცხადებენ მერიაში.