Войти на сайт
Логин:
პაროლი:
რეგისტრაცია  :  დაგავიწყდა პაროლი?  :  დახურვა
Рекомендуем так же посмотреть фильмы и не забудьте о шаблоны dle на нашем ресурсе скачать аниме у нас на портале
ჩვენს შესახებ მოგვწერეთ კონტაქტი

‘წყალტუბოს ახალი სიცოცხლე’-რას გულისხმობს წყალტუბოს განახლების გეგმა?

თარიღი : 5-07-2022, 11:55 | კატეგორია: ახალი ამბები, მთავარი თემა   
topnews.com.ge
"წყალტუბოს ახალი სიცოცხლე" – კურორტის განახლების გეგმის პრეზენტაცია დღეს იმართება.

როგორც bm.ge-ისთვის გახდა ცნობილი, ღონისძიებას ეკონომიკის მინისტრ ლევან დავითაშვილთან ერთად პრემიერ-მინისტრი ირაკლი ღარიბაშვილიც დაესწრება.

ღონისძიებაზე, რომელიც 17:00 საათზე დაიწყება, პოტენციური ინვესტორებისა და საზოგადოებისთვის აუქციონზე გასატანი საინვესტიციო პაკეტების შესახებ დეტალურ ინფორმაციას წარადგენენ.

სახელმწიფო ქონების ეროვნული სააგენტოს ცნობით, იგეგმება კურორტის რეაბილიტაცია და ყოფილი სანატორიუმების შენობათა მასშტაბური პრივატიზება. ფინალურ ფაზაშია წყალტუბოს გენერალური გეგმის შექმნა, რომლის ფარგლებში რიგი მიმართულებები სიღრმისეულად შეისწავლეს, ასევე პარალელურად მიმდინარეობს ობიექტების წარდგენა და საპრივატიზებოდ მომზადება.

BM.ge-ის მიერ სახელმწიფო ქონების ეროვნული სააგენტოდან გამოთხოვილი ინფორმაციის მიხედვით, ამ დროისთვის წყალტუბოში სულ გასხვისებულია 7 სანატორიუმი, ხოლო გასაყიდია - 15.

აღსანიშნია, რომ მას შემდეგ, რაც საქართველოს ყოფილმა პრემიერ-მინისტრმა 2019 წელს წყალტუბოს აღორძინება დააანონსა და განაცხადა, რომ მზად იყო, ყველა სასტუმრო და სანატორიუმი გამოესყიდა, სახელმწიფო ქონების ეროვნულ სააგენტოს არცერთი აქტივი არ გაუყიდია; უფრო პირიქით მოხდა - 2021 წლის ბოლოს ეკონომიკის სამინისტრომ მილიონერ თამაზ სომხიშვილთან დაკავშირებული სს „ბალნეოსერვისისგან“ 8 მლნ დოლარად გამოისყიდა 6 აბანო და უძრავ-მოძრავი ქონება. აქტივების მფლობელი დღეს სახელმწიფო კომპანია „წყალტუბოს თერმული წყლებია“. მთავრობა დარწმუნებულია, რომ წყლის ლიცენზიის უკან გამოსყიდვით ინვესტორების მხრიდან წყალტუბოს მიმართ ინტერესი გაიზრდება.

დღეისათვის სახელმწიფო საკუთრებაში არსებული სანატორიუმებია:

1. "სამგურალი"
2. "მეგობრობა"
3. "გეოლოგი"
4. "იმერეთი"
5. "გელათი"
6. "თბილისი"
7. "რკინიგზელი"
8. "აია"
9. "ფილიალი"
10. უშიშროება
11. "წყალტუბო"
12. "მედეა"
13. "სავანე"
14. სასტუმრო "წყალტუბო"
15. "სინათლე".


ნანახია: 156-ჯერ

მსგავსი სიახლეები

ამინდი