ქუთაისში, ყოფილი ქმრის მიერ მოკლული ახალგაზრდა ქალის დედა ემიგრაციიდან ბრუნდება

ქუთაისში, ყოფილი ქმრის მიერ მოკლული ახალგაზრდა ქალის დედა ემიგრაციიდან ბრუნდება.

როგორც შოთო სიხარულიძე წერს, გარდაცვლილი დედის ერთადერთი შვილი იყო.

“ემიგრანტის შვილს ყოფილმა ქმარმა ყელი გამოჭრა ქუთაისში( ცოლ-ქმარს დავა საერთო შვილზე ჰქონდათ). დანა სულ თავში და ყელში ურტყა, ადგილზევე მოკლა...

თიკო ერთი შვილი ყავდი შენს დედას და მოუკლეს... ღმერთო შენ მიეცი გაძლება ემიგრანტ დედას, ჰო შენს გამო ემიგრანტად ქცეულ დედას.... წლების უნახავ შვილს დღეს გნახავს და ვაი ამ ნახვას და ჩაეხუტება შენს გაყინულ სხეულს...

ემიგრანტებო! ქალბატონი ცირასთვის ილოცეთ გული არ გაუსკდეს, მისი რეისი უკვე აფრინდა, მონატრებული ერთადერთი შვილი თიკო ტურაბელიძე გულში მაგრად უნდა ჩაიკრას….

„ილოცეთ გული არ გაუსკდეს ფრენის დროს… ქუთაისში ყოფილი ქმრის მიერ მოკლულის თიკო ტურაბელიძს დედა, რომელიც იტალიაში სამუშაოდ წლების განმავლობაში იმყოფებოდა შვილის გარდაცვალების შემდეგ საქართველოში დღეს ჩამოფრინდება,”-წერს სიხარულიძე.

მკვლელობა ჭავჭავაძის გამზირზე გუშინ ღამით მოხდა. მკვლელობაში ბრალდებული ამ დროისთვის დაკავებულია.