"არ მინდოდა ქართული ოცნებისათვის ხელი შემეშალა-დამოუკიდებელმა კანდიდატმა არჩევნებში მონაწილეობაზე უარი თქვა

ქუთაისში, საფიჩხიის მაჟორიტარი დეპუტატობის დამოუკიდებელმა კანდიდატმა მამუკა ჩიხლაძემ საკუთარი კანდიდატურა „ქართული ოცნების“ საფიჩხიის მაჟორიტარობის კანდიდატის ნიკოლოზ ლატარიას სასარგებლოდ მოხსნა.
მამუკა ჩიხლაძის თქმით, მისი და კოალიციის საარჩევნო მიზნები საფიჩხიასთან დაკავშირებით ერთმანეთს ემთხვევა.
„ნიკოლოზ ლატარია ჩემი ახლობელი აღმოჩნდა. ის კარგი ახალგაზრდაა და მე, როგორც უფროსი მეგობარი, საარჩევნო კამპანიაში დავეხმარები. ჩემი კანდიდატურა მოვხსენი, რადგან არ მინდოდა „ქართული ოცნებისათვის“ ხელი შემეშალა,“ - განაცხადა მამუკა ჩიხლაძემ.