Войти на сайт
Логин:
პაროლი:
რეგისტრაცია  :  დაგავიწყდა პაროლი?  :  დახურვა
Рекомендуем так же посмотреть фильмы и не забудьте о шаблоны dle на нашем ресурсе скачать аниме у нас на портале
ჩვენს შესახებ მოგვწერეთ კონტაქტი

სტიქია იმერეთში-მუნიციპალიტეტები, რომელიც უხვმა ნალექმა დააზიანა

თარიღი : 23-06-2022, 12:36 | კატეგორია: ახალი ამბები, მთავარი თემა   
topnews.com.ge
უხვმა ნალექმა და წყალმოვარდნებმა პრობლემები შექმნა იმერეთის მუნიციპალიტეტებში. ძლიერი წვიმებისგან წარმოქმილმა წყალდიდობამ ქუთაისის, წყალტუბოს, ხონისა და ტყიბულის მუნიციპალიტეტები დააზარალა.

სამხარეო ადმინისტრაციის ინფორმაციით, სალიკვიდაციო სამუშაოები ამ ეტაპზე ოთხივე მუნიციპალიტეტში მიმდინარეობს. მათივე ცნობით, სტიქიის ზონებში მთელი ღამის განმავლობაში მუშაობდნენ საგანგებო სიტუაციების მართვის სამმართველოსა და შესაბამისი სამსახურების თანამშრომლები.

“წყალმოვარდნების შდეგად აღნიშნულ მუნიციპალიტეტებში დაიტბორა ქუჩები, წყალმა შეაღწია საცხოვრებელი სახლების პირველ სართულებზეც, ასევე დაიტბორა სახნავ-სათესი ფართობები.

ქუთაისში, მოსული უხვი ნალექის შედეგად დაიტბორა რამდენიმე ქუჩა. სტიქიით გამოწვეული პრობლემების მოგვარებაში ჩაერთო ა(ა)იპ „სპეციალური სერვისები“ და საგანგებო სიტუაციების მართვის სამსახური.

ძლიერი წვიმის შედეგად ტყიბულის შემოსასვლელში დაიტბორა ცენტრალური ქუჩა, ასევე ეზოები და სარდაფები, ხოლო სოფელ ჭყეპში, ტყიბული-ორპირის საავტომობილო გზის მონაკვეთზე ხე წაიქცა, რამაც მოძრაობის შეფერხება გამოიწვია. სპეციალური ტექნიკით ადგილზე დაუყოვნებლივ იქნა მობილიზებული, ტყიბულის მუნიციპალიტეტის კომუნალური გაერთიანება, საგანგებო სიტუაციების მართვის სამსახური, ჩატარდა გაწმენდითი სამუშაოები და ამ დროისათვის მოძრაობა აღდგენილია.

ძლიერი წვიმის შედეგად დაირეცხა სოფლის შიდა გზები და დაზიანდა ბოგირები. სტიქიის სალიკვიდაციოდ, შესაბამისი სამსახურები მთელი ღამის განმავლობაში საგანგებო რეჟიმში მუშაობდნენ.

ღამით მოსული ძლიერი ნალექის გამო, წყალტუბოს მუნიციპალიტეტის მაღალმთიან სოფლებში და ასევე ქალაქის ტერიტორიაზე დაიტბორა როგორც ცენტრალური, ასევე შიდა გზები და ადგილობრივი მოსახლეობის სახლებისა და საკარმიდამო ნაკვეთების ნაწილი.

ამ დროისთვის მობილიზებულია შესაბამისი ტექნიკა და დაწყებულია გაწმენდითი სამუშაოები.

უხვი ნალექის შედეგად სოფელ ცხუნკურში, დღნორისის, რიონის და ოფურჩხეთის ადმინისტრაციულ ერთეულებში შემავალ სოფლებში დაზიანდა გზები.

ასევე, წვიმამ გამოიწვია ეგრეთწოდებული ,,ვაზნარის ღელის’’ ადიდება, დაიტბორა სოფელი ხომულის ნაწილი, ჭავჭავაძისა და ერისთავის ქუჩები, მოსახლობის საკარმიდამო ნაკვეთებში წყალი შევიდა.

ხონში, სოფელ გორდში საგზაო ინფრასტრუქტურა დააზიანა, კონკრეტულად შიდა საუბნო გზები, ასევე ქალაქის ტერიტორიაზე სანიაღვრე არხები არის დაზიანებული. სოფლებში: მათხოჯსა და ძეძილეთში რამდენიმე საკარმიდამო დაიტბორა.

ოთხივე მუნიციპალიტეტში შეიქმნა ზარალის დამთვლელი კომისია, რომელმაც შესაბამისი ღონისძიებების გატარება დილიდან დაიწყო,”-ნათქვამია გავრცელებულ ინფორმაციაში.


ნანახია: 294-ჯერ

მსგავსი სიახლეები
უხვმა ნალექმა პრობლემები შეუქმნა რეგიონის სხვადასხვა მუნიციპალიტეტს.
სამტრედიის მუნიციპალიტეტის გამგებლის ვალერიან ფოცხვერიას განცხადებით, ძლიერი წვიმის შედეგად რამდენიმე სახლის პირველ სართულზე

ამინდი